परदेशभ्रम

आता गेलाच आहेस तर ये राहून 

वेळ आली कि ये निघून 

हौशिपोटी म्हण कि पैसापोटी म्हण 

होती तुझ्या मनात तिकडे जायची इच्छा भकम 

चित्र होते मनात तुझ्या , दूरचित्रवाणी वर पाहिलेले 

पण चित्रात आणि अस्तित्वात होते गुपित दडलेले 

दिसला तुला Burger ठेवा आठवला वडा-पाव 

मन मारून खायची मग सवय लाव 

जायचे कुठे फिरायला, तर आधी weather.com बघ 

असेल बाहेर पाऊस, तर पुरव इंग्रजी मालिका बघण्याची हौस 

असतात रस्ते मस्त, एक खडा त्यात नाही 

पण चिखल उडवायची हौस काही पूर्ण होत नाही 

असतील लोक सगळी कडे, पण चेहरे आपले नाही 

आपलेसे म्हणावे असे कुणीच दिसणार नाही 

मला दिसतोस तू, तुला दिसतो आम्ही 

पण webcam शिवाय हे मुळीच शक्य नाही 

जातील दिवस, जाईल वेळ 

मग येईल तुझी घरी जायची वेळ 

उडेल झोप, जेव्हा असेल दुसऱ्या दिवशी भरारी 

सामान भरून एकदाचे होशील तू परदेशातून फरारी